Konsumimi i alkoolit, hendeku mes burrave dhe grave po ngushtohet!

Hulumtimet e reja tregojnë se përkundër faktit se meshkujt kanë ende më shumë gjasa të vdesin nga sëmundjet e lidhura me alkoolin, hendeku mes tyre dhe grave po ngushtohet. Gratë tani po arrijnë të pijnë gota pothuajse po aq sa burrat. Gratë në të tridhjetat dhe të dyzetat tani po pinë më shumë se homologët e tyre meshkuj.

Ndryshe nga drogërat e forta, alkooli përgjithësisht shihet si një mënyrë më pak e rrezikshme për të lehtësuar stresin dhe për të ulur frenimet për gratë. Është e ligjshme, e disponueshme dhe jo si tabu shoqërore, kështu që gratë ndihen më pak të shqetësuara për pirjen e alkoolit.

Ndërkaq, vdekjet e lidhura me alkoolin po rriten çdo vit në Skoci. Shifrat më të fundit po ngrejnë alarmin në vend. Në bazë të të dhënave të publikuara nga autoritetet kompetente në Skoci, gjithsej 1276 persona kanë vdekur në vitin 2022 për shkak të alkoolizmit. Në fakt, problemi në fjalë nuk është më vetëm “çështja e burrave”, por edhe e grave, pasi nga 1276 të vdekur, 440 ishin gra.