Shfaqja "Tani keni sy për të parë" në “Prishtina International Theater Festival”

Shfaqja teatrore "Tani keni sy për të parë" shënoi premierën në skenën e Teatrit Kombëtar Eksperimental “Kujtim Spahivogli”, por do të jetë pjesëmarrëse edhe në “Prishtina International Theater Festival”. Festivali nis më 22 maj dhe vijon deri më datën 28 të këtij muaji, ku në datë 24 do të shfaqet dhe “Tani keni sy për të parë”, regjia Klaudia Piroli që është prodhim i Teatrit Eksperimental në Tiranë. Autore Lisa Karen Cox, Maggie Huculak, Raha Javanfar, Amy Nostbakken, Norah Sadava, Cheyenne Scott. Aktore në role janë Loredana Gjeçi, Enisa Hysa, Denada Llanaj, Artemis Beluli. Ato janë të padukshme, të harruara dhe të nënshtruara. Në një shpërthim lëvizjesh dhe fjalësh të përqendruara, pesë personazhe në “Now You See Her” eksplorojnë disa nga mënyrat e ndryshme se si gratë zhduken në kulturën tonë. Ata këndojnë, kërcejnë dhe e hedhin veten në elementet e natyrës, ndërsa udhëtojnë nëpër stinët e jetës së tyre. Zërat e tyre janë sfiduese. Pyetja e tyre është e thjeshtë: pse dhe si e lejojmë fuqinë tonë të zhduket pa u përpjekur? “Të gjitha ne, personazhet dhe gratë që kanë punuar në këtë projekt po ju thërrasin: "Zgjohuni, zgjohuni, të gjithë!  Erdhi koha! Po, sot, tani. Këtë orë. Është koha e duhur! Që ç’ke me të! Jemi këtu dhe jo rastësisht, apo jo? Mos i pulisni sytë! Ose do t’i humbisni katra stinët, tek ju kalojnë në një natë të vetme, do ta shihni, ose ndoshta nuk do ta shihni, ose ndoshta po. - “Now You See Her””, thuhet në materialin e shfaqjes teatrore nga teatri. Kostumografia Sofi Kara, kompozitor Eduart Hallulli dhe shqipëroi Adriana Tolka.“Tani keni sy për të parë” është një shfaqje teatrore premierë, që erdhi në skenë për publikun në vijim dhe të atyre që janë shfaqur deri tani gjatë këtij sezoni artistik. Gjashtë premiera janë në programin e Teatrit Kombëtar Eksperimental “Kujtim Spahivogli” në muajt mars - korrik.